आइपिएल २०२५ को रोमाञ्चक फाइनलमा रोयल च्यालेन्जर्स बेंगलुरुले पञ्जाब किंग्सलाई ६ रनले पराजित गर्दै आफ्नो पहिलो आइपिएल उपाधि हात पारेको छ। अहमदाबादको नरेन्द्र मोदी स्टेडियममा मंगलबार राति सम्पन्न खेलमा आरसीबीले पहिले ब्याटिङ गर्दै २० ओभरमा १९०/९ को लक्ष्य सेट गर्‍यो।

टीमका लागि कप्तान रजत पाटिदारले २६ रन बनाए भने विराट कोहलीले ३५ बलमा ४३ रनको महत्वपूर्ण योगदान दिए। साथै लियाम लिभिङस्टोनले २५ र जितेन शर्माले २४ रन बनाए। पञ्जाबका बलर अर्शदीप सिंहले ३ विकेट लिए।

जवाफी ब्याटिङमा आएको पञ्जाबले १८४/७ रन बनायो। शंकर सिंहले नटआउट ६१ रन बनाए पनि त्यो पर्याप्त हुन सकेन। पञ्जाबका शीर्ष ब्याटरहरूले सुरुवातमै राम्रो प्रदर्शन गर्न सकेनन्। आरसीबीका भुवनेश्वर कुमार र क्रुनाल पाण्ड्याले २–२ विकेट लिएर पञ्जाबलाई दबाबमा राखे।

खेलपछि  कोहलीले भने, “यो जित हाम्रो लागि अविस्मरणीय क्षण हो। हामीले धेरै वर्षदेखि यो सपना देखेका थियौं। टिमको सामूहिक प्रयास र फ्यानहरूको समर्थनले यो सम्भव भयो।”

सिजनमा गुजरातका साइ सुदर्शनले सर्वाधिक ७५९ रन बनाए भने कृष्णले सर्वाधिक २५ विकेट लिए। मुम्बईका सूर्यकुमार यादव प्लेयर अफ द सिरिज घोषित भए।