प्रख्यात गायिका एलिना चौहान र बिष्णु सापकोटा बिचको वैवाहिक सम्बन्ध टुङ्गिएको छ । सामाजिक संजाल फेसबुक मार्फत भावुक स्टाटस लेख्दै गायिका चौहानले सम्बन्धविच्छेद  भएको कुरालाई सार्वजनिक गरेकि हुन । 

अस्ट्रेलिया बस्ने बिष्णु सापकोटा र गायिका चौहान बिच प्रेम सम्बध पश्चात् विवाह भएको थियो । तर सो विवाह एक बर्ष समेत नपुगी टुङ्गिन पुगेको हो । 

गायिका चौहानले लेखेको स्टाटस यस्तो छ : 

प्रिय बिष्णु, 
अग्निलाई साक्षी राखेर ७ फेरा लगाउदा गलेका खुट्टाहरु अझै उस्तै छन्। 
तिम्रो हातले रंगिएको मेरो सिउदो अनि सिन्दुरका डोबहरु अझै उस्तै छन्। 
तिम्रा नाममा लगाएका हातभरिका चुरा अनि छिनछिन आवाज अझै उस्तै छन्। 
हामीलाई दुईबाट एक बनाएको सेतो लगनको गाँठो अझै उस्तै छ। 
वडा कार्यालयमा गएर बनाएको हाम्रो विवाहदर्ताको प्रमाणपत्र अझै उस्तै नयाँ छ। 
तर फेरा, चुरा, सिन्दुर, लगनगाँठो, विवाहदर्ता र शारीरिक मिलन मात्रै विवाह होईन रहेछ। 
भावनात्मक मिलन, आपसी विश्वास र समझदारी नै विवाहको मुख्य प्राण रहेछ। 
जुन रहेन अनि हाम्रो सम्बन्धमा अल्पायु मै पुर्णविराम लागेको छ। यो रहरले होईन। जुन बाध्यता तिमि, मलाई र भगवानलाई मात्र थाहा छ। 
आजदेखी स्वतन्त्र भएर कानुनी रुपमै आ-आफ्नो गन्तव्य तय गर्न बाटो खुलेको छ। 
पत्नीका रुपमा अधिकारले मैले पाउने सम्पत्ति तिम्रै प्रगति र उन्नतिका लागि छोडेको छु। 
तिमीलाई बाँकी जीवनको धेरै धेरै शुभकामना बिष्णु।